خدمة جديدة وممتعة من الجوال [الأرشيف] - - - --^[ (الحوار الوطني) ]^-- -

مشاهدة النسخة كاملة : خدمة جديدة وممتعة من الجوال

ربع ساعة

19-Aug-2005, 11:08 AM

السلام عليكم..

الاتصالات الان منزلين خدمه جديده بس الى الان تحت التجربه وهي البحث عن اقرب مكان قريب لك مثلا فندق للمكان الي انت فيه حاليا

والطريقه سهله مره

انشاء رساله جديدة

واكتب فيها

show hotel

وارسلها للرقم 100100

وراح تجيك رساله فيها صوره ومكتوب تحتها معلومات مرقمه عن الي في الصوره

مثل

[فقط الأعضاء المسجلين والمفعلين يمكنهم رؤية الروابط]

The following Hotels,Hotel Apartments have been found within a search distance of 2000m:
1. Al Riyadh Towers Furnished Apartments near Eastern Ring Road
2. Al Doha Furnished Apartments near Prince Saad Bin Abdulrahman Al Awal
3. Future Funished Apartments near Salahuddin Al Ayyubi Road
4. Dorah Furnished Apartments (~500m away) near Salahuddin Al Ayyubi Road

طبعا زي مانتم شايفيين المكان الي في الاخضر يوضح المكان الي انت فيه

بس صراحه شي ممتاز ولا جربت ابحث عن شي ثاني

والرساله اخذت وقت لين ما جتني

ولازم تتوفر عندك رسائل الوسائط علشان تقدر تشوف الصوره

والخدمه الان تجريبيه ومجانيه

تميم نجد

20-Aug-2005, 12:29 AM

تسلم ابو سعد على المتابعه ودي اجربها مادامها مجانيه لكن للاسف جوالي استقبال

نبض الوطن

23-Aug-2005, 08:25 AM

ممتاز والله بس بسراحة خدمة الوسائط جبتها بالطول وجبتها بالعرض وبالشتل

عيت تتبرمج على جهازي

طبعا لما ارسل يقولون شغاله عندي
وما اشتغلت!

وسويت اعدادات يدوية برضه ما فيه فايده!

في الاخير تعبت وهونت

مشكور يا ابو سعد

معطاب

30-Aug-2005, 07:17 AM

والله روعه
يعطيك العافيه

ربع ساعة

30-Aug-2005, 09:18 AM

تسلم ابو سعد على المتابعه ودي اجربها مادامها مجانيه لكن للاسف جوالي استقبال

الحال من بعضه وانا اخوك

ربع ساعة

30-Aug-2005, 09:19 AM

ربع ساعة

30-Aug-2005, 09:21 AM

والله روعه
يعطيك العافيه

تسلم يالغالي اهم شي عجبتك

رجل أمن

01-Sep-2005, 10:21 AM

مبسوطين والله انكم على الريحه

ياحبيب قلبي بالهند الان وهي الهند جاء زميلنا بالعمل من هناك يقول اول ماتجي تشتري شريحه يعطونك جهاز معها وفيه الخدمات التاليه الرسائل النصيه مجانا والرسائل المصوره مجانا وفيه خدمه مشاهدة الطرف الاخر عن طريق الجوال وتحديد الاماكن والان يقول معلنين عن خدمة مشاهدة القنوات الفضائيه عن طريق الجوال وانتم مبسوطين بهالخدمه وتشتغل بس بالرياض ومافيه احد يضيع بالرياض

ياحبيب قلبي والله اننا متخلفين ومضحكه لاصحاب الشركات وإلا ليش ما يفتحون باب التنافس

بالهند وهي الدوله اللي نعتبرها فقيره فيها 23 شركة اتصالات وباكستان فيها ست او سبع شركات والسودان فيها ثلاث شركات وموبايلي الرابعه وسوريا فيها ثلاث سبكات والاردن اللي كلها طريق واحد فيها تقريبا خمس شركات ياناس وحنا ماعندنا الا شركة النصب والاحتيالات ومحتكرين السوق وجت شركة موبايلي وصارت تحت ابط مسئئولي شركة الاحتيالات

هذا كله لانه محتكرها صاحب السمو الفلاني يعني ياعرب ترانا مسلمين والاحتكار حرام وعلينا طاعة ولا تنا ولكن مو كل من هب ودب من الاسره خضعنا له وسمحنا له يبتز اموالنا

لابد ان نرفع شكوانا للملك عسى ربك يفرجها

لا وغير كذا اللي فعلا حسيت انه شي يقهر لا ويبكي هندي عندنا يقول انا الانترنت طول السنه شغال عندي وبأعلى سرعه والاشتراك السنوي شامل الاتصال ما يتجاوز مية ريال سنويا

قلت ياعيني وينك عن اللي تجي فواتيرهم بالشهر 700 او 800 ريال هذا مع الاقتصاد باستخدامه

ياناس بنجلاديش فيها تقريبا سبع شركات اتصال

متى نتطور متى متى؟

والله كم تجيني فاتورتي بمبلغ خيالي استغرب ليش لما اراجعهم يقولون سدد همن تعال نشوف موضوعك

قلت الله لا يربحكم ياشركة الاتصالات ويمحق بركة فلوسكم ولا يعطيكم عافيه يامسئوليها اللي تبتزون الناس

آآمين

مع تحيات

مواطن يحس ان شركة الاتصالات تضحك عليه

ربع ساعة

01-Sep-2005, 07:20 PM

ليش ما تاخذ جنسية هندية احسن لك ؟

الحين بتقول لي ياليت والله اني والله انه ..

مافيه شي اسمه ياليت .. كلها تذكره ورح عيش عندهم وفك نفسك من الإحتكار

الـعـاشق

13-Sep-2005, 10:03 AM

ليش ما تاخذ جنسية هندية احسن لك ؟

الحين بتقول لي ياليت والله اني والله انه ..

مافيه شي اسمه ياليت .. كلها تذكره ورح عيش عندهم وفك نفسك من الإحتكار

لاتعليق .................................................. .....

s999

14-Sep-2005, 04:00 AM

شكراً لك اخي الكريم ربع ساعه