من ينصحني فيكم ؟

[ربع ساعة]

مليت من قطارة الأسهم ..

وابغى اسوي مشروع تجاري صغير على قدي ..


من يقدر ينصحني بحاجة حلوة ..؟؟


انتظر شوركم يااهل الشور

[جريح السرب]

افتح محل لانجري

[ربع ساعة]

افتح محل لانجري

حبيبي جريح .. لا توهقني قدام الناس ..

وش معنى لا نجري ؟؟


اخاف اسوي مثل حسينووه وافتح مكتب محاماه

[صقر النماص]

شوف
افتح محل فول
وخل اول يوم مجاني لجيرانك وابناء الحي

بس انتبه

لا تكثر الزيت

صقر

[جريح السرب]

اللانجري محل ملابس داخلية نسائية

ومحل الفول ترى فكرة طيبة ودخله بالهبل .. ماشاء الله.


وإذا عجزت مرة ... افتح صالون حلاقة أحدث القصات في السويدي.

[ربع ساعة]

اللانجري محل ملابس داخلية نسائية

وإذا عجزت مرة ... افتح صالون حلاقة أحدث القصات في السويدي.


هذي لها سالفة بلحالها .. بس ما بي اذكرها الحين لان الجو مكهرب شوي ..


كبيرررررررة

[ربع ساعة]

شوف
افتح محل فول
وخل اول يوم مجاني لجيرانك وابناء الحي

بس انتبه

لا تكثر الزيت

صقر


اذا فيها كمونية .. انا الخسران . لاني باكلها على الزباين ..

[نبض الوطن]

أفضل المشاريع الآن بلا أدنا شك


المطاعم ومحلات المأكولات السريعه ... لكن:


المهم الموقع ,,



ولو حاب أدخل شريك ما عندي مانع

[""السائر""]

بابوي بلا فول بلا مطاعم بلا محل ملابس..
جيبلك وانيت غماره ومليها أي شي يحي على بالك...
واجلس فوق الونيت قدام المسجد
. وصوت على ريال على ريال

[ربع ساعة]

راحت الدراهم ..
يومني احط موضوع كان معي فلوس ..

ادعوا لي

[الطرف الساهر]

أخي وش تبي بالهم والغم ,,,,,,عمال وغثاءوإيجار ومحلات,,نصيحة لاتدور الشقاء بيدك إلا إذا كنت فاضي لها أربع وعشرين ساعة,,,,الأسهم أفضل شئ في السوق ,,لكن ابعد عن مساهمات الشركات الوهمية ,,لأنها أما نصب أو تجمد أموال صاحب الشركة, ونادرا ماتسلم منها ,,,,,,,,,,,أما الأسهم المحلية فهي واضحة أمامك ,وأنصحك تشوف أحد زملاءك الثقات يدير عملية البيع والشراء في الأسهم ويعطيك كشف حساب نهاية كل شهر,,وأعط الخباز خبزك لو أكل نصفه ,,,أسأل الله أن يرزقك الرزق الغزير الوفير الحلال ,,,,,,,,وتحيتي لك لكل من مر من هنا ,,,,,,,,,,

[ربع ساعة]

أخي وش تبي بالهم والغم ,,,,,,عمال وغثاءوإيجار ومحلات,,نصيحة لاتدور الشقاء بيدك إلا إذا كنت فاضي لها أربع وعشرين ساعة,,,,الأسهم أفضل شئ في السوق ,,لكن ابعد عن مساهمات الشركات الوهمية ,,لأنها أما نصب أو تجمد أموال صاحب الشركة, ونادرا ماتسلم منها ,,,,,,,,,,,أما الأسهم المحلية فهي واضحة أمامك ,وأنصحك تشوف أحد زملاءك الثقات يدير عملية البيع والشراء في الأسهم ويعطيك كشف حساب نهاية كل شهر,,وأعط الخباز خبزك لو أكل نصفه ,,,أسأل الله أن يرزقك الرزق الغزير الوفير الحلال ,,,,,,,,وتحيتي لك لكل من مر من هنا ,,,,,,,,,,

بارك الله فيك اخوي ..

واذا جينا للجد .. انا ناوي اجلس بالسوق كم سنة بعدها اخذ فلوسي وان شاء الله القاها كثرت ..

واتزوج لاني شيبت وانا عزوبي .. مابي اتزوج وانا كذا بدون شيء يذكر ..

الله يعين ان شاء الله

[البتول العنزي]

أخوي ربع ساعه
تبغى نصيحه من اخت الى اخوها
اذا انت انسان فاضي وماعندك مشاغل وعندك راس مال ممتاز
يعني فلوس تنفع تشتري فيها اسهم اتجيب شيء على المدى البعيد
انا انصحك تدخل سوق الاسهم
بس ترا الموضوع محتاج قلب قوي وحنكه ومفهوميه
يعني المفروض تختار شيء يجيب ربح سريع ويكون مضمون
اما اذا كنت مو فاضي وما عندك وقت فانا انصحك تفكر بشيء يناسب
تفكيرك يعني مشروع صغير مستقبلا مع الجهد يجيب نتيجه ويجيب ربح
المطعم مشروع لابأس به
بس لا تنسى ترى حتى المطعم بحاجة لعمل دؤوب وجهد
وتنظيم وتحسين وتطوير
يعني شوف لك شيء غريب
احنا متعودين على المطاعم الشرقيه
الوجبات السريعه الامريكيه والايطاليه
فكر بشيء من امريكا الجنوبيه
ترى حلوه مطاعمهم
و الرياض مافيها مطاعم من هالنوعيه
او تعرف
اذا تبي مشروع صغير ويعطيك ربح
اول شيء تعمله تشوف لك منطقه فيها شيء من الخدمات ناقص
حاول تفتح بهالمنطقه سوبر ماركت صغير مطعم فول على قول الشباب
مغسله
حلاق
هذي المشاريع تنفع كبدايه على شرط انها تكون خدمتها ممتازه
مو تروح تجيب سباك وتخليه حلاق
اتمنى اكون قدرت اضيف شيء
واذا طلعت معي افكار برجع اكتب
تحياتي لك اخي

[tigerblow100]

الغالى ربع ساعة اذا تبى تربح فى مطعم تكتب عنة صحف العالم ومميز انا ادلك على المطعم


(( سوى مطعم برست ضبان مع كبسة ضب ولا تنسى شاورما ضب ))

جرب ولا تنسانى من العكرة

[ربع ساعة]

اختي البتول ..

شكرا لك ولنصائحك وان شاء الله تكون بالنسبة لي فاتحة خير ..