سطام بن فهيد
16-Oct-2003, 09:07 PM
مسائكم الله بالخير
جار الزمان موجهه لأحدى مشرفين منتديات والصحفي المعروف محمد النفيعي وحبيت انشرها هنا
جار الزمان وخلّف بحالي اوجاع = قلب كسير وعين يسبح هدبها
عيّا الزمان وما أظنه ولو طاع = يرد قطعة قلبي اللي نهبها
عيّت حوافر خيلنا تلمس القاع = والنار شبّت في مواخر ركبها
روس الرجال اللي من اول لهم باع = راحوا مع الرعيان ويّا صلبها
صرنا مراكب في البحر مالها شراع = غرقت سفينتنا وتحطّم خشبها
راحت مراجلنا على درب الاطماع = من يوم شيخ القوم يتلي ذنبها
ماعاد فينا من الكرامه ولو باع = ماعاد نحسب للمروّه حسبها
لكنّّ واللي خالق الكون بابداع = ما اصبر على ذلّ المهونه وسببها
الذيب ماياكل رديده ولو جاع = والا الحصيني درّها ثم شربها
رجلي تدوس النذل مانيب مطواع = كفي تنول الصعب لا ماصعبها
حرٍ ولد حرٍ على روس الادناع = من ساس قومٍ تفتخر في نسبها
حنّا مراجلنا على روس الاتلاع = روس الجبال اللي تعالى نصبها
ذبّاحة الحايل يزيدون في الصاع = لطّامة العايل مشايخ عربها
للحرب قـوّادٍ وللدين تبّـــاع = تشهد لهم مكه وتشهد شُعبها
وتشهد لهم نجــد العذيّه وتلتاع = يوم المراجل نالها من طلبها
ومادام ربعي صيتهم بين العرب ذاع = أبفتخر وأبعتزي واهتف بها
مانيــب مــدّاحٍ ولانيــب خــدّاع = هي كلمتينٍ قلتها واحتسبها
وصلّو عدد ماهب في نجد ذعذاع = وعداد ماشبّ البدو في حطبها
على النبي اللي به الدين قد شاع = بالعقل والحكمه وسيفٍ صحبها
وسلامتكم
سطام بن فهيد
جار الزمان موجهه لأحدى مشرفين منتديات والصحفي المعروف محمد النفيعي وحبيت انشرها هنا
جار الزمان وخلّف بحالي اوجاع = قلب كسير وعين يسبح هدبها
عيّا الزمان وما أظنه ولو طاع = يرد قطعة قلبي اللي نهبها
عيّت حوافر خيلنا تلمس القاع = والنار شبّت في مواخر ركبها
روس الرجال اللي من اول لهم باع = راحوا مع الرعيان ويّا صلبها
صرنا مراكب في البحر مالها شراع = غرقت سفينتنا وتحطّم خشبها
راحت مراجلنا على درب الاطماع = من يوم شيخ القوم يتلي ذنبها
ماعاد فينا من الكرامه ولو باع = ماعاد نحسب للمروّه حسبها
لكنّّ واللي خالق الكون بابداع = ما اصبر على ذلّ المهونه وسببها
الذيب ماياكل رديده ولو جاع = والا الحصيني درّها ثم شربها
رجلي تدوس النذل مانيب مطواع = كفي تنول الصعب لا ماصعبها
حرٍ ولد حرٍ على روس الادناع = من ساس قومٍ تفتخر في نسبها
حنّا مراجلنا على روس الاتلاع = روس الجبال اللي تعالى نصبها
ذبّاحة الحايل يزيدون في الصاع = لطّامة العايل مشايخ عربها
للحرب قـوّادٍ وللدين تبّـــاع = تشهد لهم مكه وتشهد شُعبها
وتشهد لهم نجــد العذيّه وتلتاع = يوم المراجل نالها من طلبها
ومادام ربعي صيتهم بين العرب ذاع = أبفتخر وأبعتزي واهتف بها
مانيــب مــدّاحٍ ولانيــب خــدّاع = هي كلمتينٍ قلتها واحتسبها
وصلّو عدد ماهب في نجد ذعذاع = وعداد ماشبّ البدو في حطبها
على النبي اللي به الدين قد شاع = بالعقل والحكمه وسيفٍ صحبها
وسلامتكم
سطام بن فهيد