خدمة الام ام اس للإشتراك ادخل هنا

[ربع ساعة]

اللي يبغى يشترك في خدمة الام ام اس يضغط على الرابط ويكمل الخطوات

اضغط هنا ([فقط الأعضاء المسجلين والمفعلين يمكنهم رؤية الروابط])

على فكرة انا حطيتها بس كذا من باب المشاركة معكم ويمكن احد الاخوان يبغاها ..

لاني ما هضمتها خصوصا يوم دريت ان عليها رسوم .. قلت ايه يالحكومة مشاء الله عليس ما قصرتي كل شي رسوم .. حسسونا بشيء بلاش يلعن ام القهر ..

حتى رسالة مستخسرينها علينا ... يالله يا سعودي ادفع رسوم


بس الحمدلله على النعمة .. يعني انا اتوقع مع الايام بعد ما تضغط (اضف رداً ) علشان تعقب على اي موضوع في اي منتدى راح يقول لك . الرد برسوم .. وبعد ما تدفع تقدر ترد على كيفك .. والحكومة ما تقصر يعني كريمة جداً كل ما كثرت بالردود تجيك نقاط وبعدها يطلع لك رد مجاناً .. بالله عليكم قد شفتوا كرم مثل كذا .. ؟؟

الله يعز الحكووووووووووومة

[تميم نجد]

اكيد ابو سعد تبي كل شي ببلاش صحيح انك طماع ادفع ياخي وش بيضرك اذا ماعندك فلوس تسلف بس مو مني(5) خذ سلفه من البنك وريح بالك خل الحكومه تستفيد منك شوي بدال منت جالس عاله عليها.
وبعدين ممكن تقول خدمة ايش هذي لاني اول مره اسمع عنها

[ربع ساعة]

الخدمة حقت الصور والبلوتوث وطقتها .. بعدين الحكومة ماتسلفني خلاص لاني تسلفت منها ويقولون رجعها لنا بزيادة 12000 قلت يالله برجعها .. اكيد بيستغلون حاجتي

[تميم نجد]

اهاااا حقت الصور والبلوتوث طيب وين اللي يقولون مانبي الحرمه تسوق وين فتاويهم عن هالخدمه والا مساهمين في الاتصالات ومن مصلحتهم ان الناس تشترك فيها

[ربع ساعة]

اهاااا حقت الصور والبلوتوث طيب وين اللي يقولون مانبي الحرمه تسوق وين فتاويهم عن هالخدمه والا مساهمين في الاتصالات ومن مصلحتهم ان الناس تشترك فيها

لا تخاف بيطلعون بيان بيوقع عليه ناصر العمر ومعه سته وستين داهيه عفوا قصدي شيخ وعالم

يا حبيبي بالبنط العريض وقدام كل الناس واللي بينتقدني ينتقد على كيفه اقول :

هذولي دينهم على كيفهم .. دينهم جديد .. اسلامهم على حسب مصالحهم

[باسم علي]

محلا الصوره وش زينها بس هذا ايام زمان

اليوم والله ما تنفع بهللتين ... عنز جربا ،،، لكن هذي حال الدنيا ياربع .

ايام زمان كل شي زين ... تروح تدرس علشان تزيل أميتك يعطونك قرشين ،،، المدرسه لبس رياضه مجاني ... ووجبة طعام ، وادوات الرسم .

الهاتف الإتصال داخل المدينه مجاني ورسومه ياسلام ، شوف اليوم الطالب يعذبونه مكيفات خربانه وبرادات الله لا يوريك .
الهاتف حدث ولا حرج ... بس فالحين طايحين فيك رسوم .
وشركة الكهربا رسوم وشرايح وقراية عداد إنقرا ولا عن ابوه ما انقرا إدفع وانت ساكت ، تنقطع الكهربا عن الحي رساله ناسف لسكان الحي الفلاني لإنقطاع التيار ،،،، ذبحنا الحر ابوكم لأبو ابوكم وصلوا التيار ومانبي إعتذار نبي نشكركم بعد .

لا وسمعنا خير تعطس تدفع رسوم ،،، بسبب تلويثك للجو ، وفيه موضوع حاليا بين شركة الكهربا و الهاتف :-

اللي روحه تبي تطلع رايح يدفع رسوم ،،،، ليه الحراره رايحه تغادر جسمه وهذي مهمت الهاتف و القبر نظلم يعني رسوم فصل التيار ،،، ولا ياويله إن مادفع .

ربع فتحت موضوع يبيله الف ساعه مو ربع ساعه ... فكنا الله يرحم والديك ،،، انا مواطن لا زم ادفع وانت مواطن لا زم تدفع ، و بالتي هي احسن ... احسن لك .

بس الصوره تجنن .

[ربع ساعة]

هلا صاحبي باسم علي ..

انا مرة من المرات ابغى ارد على موضوع احد الاخوان طلعت لي رسالة : "سدد الرسوم بعدها أضف رداً"

وفي الاخير عرفت ان المنتدى سعودي ..


دخلت مره موقع المسبار ابغى اترجم كلمة انجوي .. قالي اشترك في اول نت .. بعدها اتصلت على اول نت وقلت لهم كم الاشتراك عندكم ؟ واعطاني الموظف الاسعار .. وقلت له : معليش اخوي وش معنى انجووي .. قالي استمتاع .. قلت له اجل خلي اشتراكك لك .. ههههههههههههههههه


يارجال وسع صدرك

[القشيري]

[فقط الأعضاء المسجلين والمفعلين يمكنهم رؤية الروابط]
السلام عليكم ورحمة الله وبركاتة
هلا وغلا فيك اخوي
(ربع ساعة)
الف شكر لك لمشاركتك الطيبه
---
خطة تسعير خدمة الرسائل المتعددة الوسائط
السعر الحالي (ريال سعودي)
نوعية الخدمة
0.55 للرسالة
خدمة الرسائل متعددة الوسائط
---
ما هو الفرق بين رسائل الوسائط المتعددة MMS و الرسائل القصيرة SMS؟
رسالة MMS هي امتداد أو تطور لتقنية الرسائل بوجه عام و ما يميزها عن
الرسائل القصيرة العادية أنها تتيح للعميل امكانية إرسال محتوى يصل
حجمه الى 100 كيلو بايت في الرسالة الواحدة
بينما لا يتعدى حجم الرسالة القصيرة 140بايت فقط.
يمكن ارسال نص، أو صور، أو ملفات فيديو أو صوت و التي يمكن إنشاؤها
أو إلتقاطها من جهاز الجوال مباشرة،
أو التي تتوفر على الجهاز من المصنع أو بعد تحميلها من الإنترنت
--
هل يمكن الرد على الرسائل التي تم استعراضها من خلال موقع الإنترنت؟
ج.نعم
---
تحياتي لكم جميعاً
[فقط الأعضاء المسجلين والمفعلين يمكنهم رؤية الروابط]