PrOfEsSiOnAl
07-Feb-2005, 11:20 AM
يا ان اول عجزنا بثرين ... والله من اللقافه وحب الاستطلاع وحب المشاكل والحوادث .. وترا اول من طيحنا بالتجمهر عند الحوادث هم والا احنا كنا شباب كويس |4|
وعمتي –رحمة الله عليها – كانت واحده من الفئه الملقوفه الضاله في ذاك الزمان
كانت تحب السطح حبا جما ومغرمه فيه ومدمنه سطح (وين قطو) ولها جلسه خاصه في السطح فارشه ذيك الزوليه الحمرا المشجره باللون الازرق والمركه البرتقاليه وجمبها صحن فصفص مالح وتبسي كراث وشاهي تلقيمه (الربيع) وعلى يمينها سجاده خضراء مرسوم عليها الحرمين الشريفين ومعها الجلال البني الغامق المشجر بالوان الطيف
ومن يوم تفطر رجلها وتشيل الصحون وتغسلها وهي مهروله للسطح كنها ملحوقه :D وتبدأ المراقبه كنها رادار .....اول ما ترقى السطح الصبح تروح للطرمه (الطرمه: هي العين السحريه سابقا....هذه المعلومه لصغار السن وحديثي الولاده....) وتطل من الطرمه وتشوف اللي رايح واللي جاي وبعد ما تنتهي من الطرمه تلتفت يمين لسطع جارهم ابو عبدالكريم وكانت البيوت اول من طين لازقه في بعض وجدرانها قصيره وتجلس تتفرج على سطح جيرانهم بانسجام (كنها تتفرج على مباراة النصر والهلال) وتناظر وش ناشرين من الملابس و وش اللوانها و وش مقفرين (لقافه وبس) :Dوبعدها تلتفت على سطح جيرانهم الدرهالي وتتفرج ومن بيت لبيت اللي حولهم ولين بغت تناظر لمدى بعيد يعني جيران جيرانهم كان معها تنكه ترقى عليها عشان تتفرج عن بعد
ولين بغت تتفرج على الحاره الثانيه يكون معها سلم ترقى عليه
وبعد ما تنتهي تاخذ قسط من الراحه تنزل من التنكه وتجلس تفصفص وتشرب شااهي وتاكل حزمة كراث (عنز) وتصلي ركعتين وبعدها تعاود الكره
واذا جا وقت الظهر نزلت تطبخ الغدا في عجله من امرها عشان لين جا رجلها وعيالها يكون الغدا جاهز ومن يوم يخلص الغدا تغطيه بخيشه وزي البرق للسطح مره ثانيه وما تنزل منه الا اخر الليل لين ينومون جميع الجيران وتتطمن عليهم |308| حتى عيالها وبناتها واحفادها(احد صور الحفيدات اثناء النوم)|22| اذا بغوا يزورونها يرقون لها في السطح (فيران)
واذا جا اخر الليل نزلت من السطح تعبانه منهاره عيونها حمر من التعب:mad: ومن كثر المراقبه
مرت الايام والشهور والسنين وهي على ذا الحال
وفي يوم من الايام كان الجو صافي منعش تداعبه نسمه عليله بارده وقطيعات من الغيوم ناصعة البياض وعندها كانت عمتي فوق التنكه المذكوره اعلاه تراقب إذ بعاصفه عاتيه |10|وغبار وهواء شديد يعكر الجو وصوت وقوة العاصفه تضرب السطح الموجود به عمتي :eek: وكما يسميه التلفزيون (غضب الطبيعه :D )
ومن هول المنظر وسوء المشهد وقفت عمتي على التنكه منبهره لا تعرف ماذا تفعل...!!!
لقد سيطر عليها الخوف والهلع فتطايرت الملابس المنشوره على حبل الغسيل وتساقطت الصحون وتكسرت من غضب الطبيعه وطار الفصفص والكراث في عنان السماء وطار منيخلها (المنيخل: هي الشيله التي تلبسها العجز من اول .... هذه المعلومه لصغار السن وحديثي الولاده....) وطارت الكشه وأنتفشت العراده وضاعت الفرقه اللي في الراس|281|
وعمتي في مكانها لا تتحرك من هول ماحدث أصيبت (بأم الركب |10| ) فضربتها العاصفه الهوجاء فأختل توازنها وطاحت من فوق التنكه الملعونه وسقطت على خشتها وأنكسر ضرس الذهب من قوه الارتطام:o وأصيبت بكسر مضاعف في ركبتها السودا داكنه السواد .
فجلست تزحف على بطنها متجهه الي باب السطح (وين كوماندوز) والعاصفه تضرب بها وتتفل:)(الغذر اخوانى من كلمتة تتفل) عليها حتي وصلت الى الباب وتمسكت بالكيلون وهو متخلخل فأنكسر الكيلون فتدحرجت مع الدرج حتى وصلت الى أخر الدرج وهي تتدربا مثل الكوره الصب (( كوره الصب: هي كوره بنية اللون صلبة الملمس تصنع من جلد الحمير تسبب عاهات وتشوهات أذا ضربت أحد اللاعبين... وكدمات بعدة اللون اذا وصلت للجلد..... هذه المعلومه لصغار السن وحديثي الولاده....) ))
كانت رحمة الله عليها دبه سمينه (( حوت بشري يمشي على الارض)) ولها ثلاث ديود أثنين حليب وأحد شاهي ساده :D
يوم سمعو عيالها دوي الطيحه يحسبونها أسطوانه غاز منفجره|8| .. جو يتراكضون ويصيحون ( يأااااااااماه يأااااااااااااااااااماه)
يوم جو لقوها متكسره في جميع اجزاء جسمها حتى اذنها مكسوره ويوم جوا يشيلونها ما قدروا متفككه
حطوها في بطانيه و ودوها مستشفى الشميسي لكن المستشفى رفض استقبالها لانها ما عاد تنفع حتى الدكتور الهندي قال لعياهل ارموها ما تتصلح
شالوها و ودوها لـ بن مزروع (بن مزروع: هو طبيب شعبي كان يعالج الكسور واصابات الملاعب سابقا... هذه المعلومه لصغار السن وحديثي الولاده....) ويوم شافها قال وش صادمها تريله ولا قطار..؟؟؟ بس بحاول اعالجها والباقي على الله
لانها تكسرت مره واختلفت عظامها حتى لقوا اصبع رجلها الصغير في كتفها يحسبونه ثالول طلع اصبع :(
بعدين جمع الخشب والمسامير والاسيام والحديد (مابقى الا سمنت) كانوا يعالجون اول بذا الطريقه وبطحوها عيالها في ديوانية بن مزروع وبدا الشغل والطقطقه والتركيب كن داخل ورشه في الصناعيه (ناقص خرط هوبات)
وبعد ما ركب الخشب عليها وربطها بالمسامير والاسيام اول ما شفتها احسبها عماره عظم :D
خلص بن مزروع –رحمه الله- خلال اسبوعين من العمل الشاق من الرتكيب والتجبير والفك والربط
شالوها عيالها وركبوها في صندوق الونيت (خروف) بعد ما فرشوا مطرحه في الصندوق لانها ما تقدر تجلس وراحاو للبيت وشالوها على الاكتاف بيدخلونها البيت وفي هذا الوقت قعدت تناظر الدرج والسطح ويذب عليها ولدها يقولها ما ودك تروحين للسطح|502|..!!
صدقت قالت بكره لين يعافيني الله ( ما تأدبت ذا العجوز ) |459||459|
المهم.......حطوها على دوشقها في المقلط واجتمعوا عندها عيالها وبناتها واحفادها واحفاد احفادها وجلست تصيح بس مهوب من الالم...... الا من ضرسها الذهب اللي انكسر وتقول لبناتها ذهب جمالي مع الريح صرت شينه ماعاد مناظرني ابوكم اخاف يعرس علي (والله ان رجلها احلى منها)
تدهورت حالتها عقب ذا الادويه الشعبيه من الرشاد والحلتيت والحلبه والمره والصعوط والقرايه والعزايم
فضعفت وهزلت وتدهورت حالتها وبعد الحادث بثلاثين سنه انتقلت الى جوار ربها الكريم|190||198||114|اثر الحادث الذي الّم بها ذاك الحين واخذها الموت وهي في ريعان شبابها وزهرة عمرها فقد كان عمره لا يتجاوز 86 ربيعا مزدهرا (علما بأن هذا العمر غي حقيقي فهي مصغره في التابعيه)
يوم جا ابوها اللي هو جدي ذو 120 خريفا (ابعد من منتزه سعد عن الرياض:D ) واخوانه
اول ما دخلت عليهم في الديوانيه احسب اني داخل حوش ديناصورات من كبرهم :D وجلس جدي يصيح ويقول خطفها الموت من بين احضاني|5| اخذ قعدتي وراح... رحلت دلوعتي... ذهبت آخر العنقود|575|اخذت قلبي ورحلت جددت احزاني بعد وفاة غزالي (اللي هي امها)
رحم الله عمتي رحمة تنزل عليها بس هذي نهاية عجوز
اهئ اهئ اهئ
MSROOOOOOQ
وعمتي –رحمة الله عليها – كانت واحده من الفئه الملقوفه الضاله في ذاك الزمان
كانت تحب السطح حبا جما ومغرمه فيه ومدمنه سطح (وين قطو) ولها جلسه خاصه في السطح فارشه ذيك الزوليه الحمرا المشجره باللون الازرق والمركه البرتقاليه وجمبها صحن فصفص مالح وتبسي كراث وشاهي تلقيمه (الربيع) وعلى يمينها سجاده خضراء مرسوم عليها الحرمين الشريفين ومعها الجلال البني الغامق المشجر بالوان الطيف
ومن يوم تفطر رجلها وتشيل الصحون وتغسلها وهي مهروله للسطح كنها ملحوقه :D وتبدأ المراقبه كنها رادار .....اول ما ترقى السطح الصبح تروح للطرمه (الطرمه: هي العين السحريه سابقا....هذه المعلومه لصغار السن وحديثي الولاده....) وتطل من الطرمه وتشوف اللي رايح واللي جاي وبعد ما تنتهي من الطرمه تلتفت يمين لسطع جارهم ابو عبدالكريم وكانت البيوت اول من طين لازقه في بعض وجدرانها قصيره وتجلس تتفرج على سطح جيرانهم بانسجام (كنها تتفرج على مباراة النصر والهلال) وتناظر وش ناشرين من الملابس و وش اللوانها و وش مقفرين (لقافه وبس) :Dوبعدها تلتفت على سطح جيرانهم الدرهالي وتتفرج ومن بيت لبيت اللي حولهم ولين بغت تناظر لمدى بعيد يعني جيران جيرانهم كان معها تنكه ترقى عليها عشان تتفرج عن بعد
ولين بغت تتفرج على الحاره الثانيه يكون معها سلم ترقى عليه
وبعد ما تنتهي تاخذ قسط من الراحه تنزل من التنكه وتجلس تفصفص وتشرب شااهي وتاكل حزمة كراث (عنز) وتصلي ركعتين وبعدها تعاود الكره
واذا جا وقت الظهر نزلت تطبخ الغدا في عجله من امرها عشان لين جا رجلها وعيالها يكون الغدا جاهز ومن يوم يخلص الغدا تغطيه بخيشه وزي البرق للسطح مره ثانيه وما تنزل منه الا اخر الليل لين ينومون جميع الجيران وتتطمن عليهم |308| حتى عيالها وبناتها واحفادها(احد صور الحفيدات اثناء النوم)|22| اذا بغوا يزورونها يرقون لها في السطح (فيران)
واذا جا اخر الليل نزلت من السطح تعبانه منهاره عيونها حمر من التعب:mad: ومن كثر المراقبه
مرت الايام والشهور والسنين وهي على ذا الحال
وفي يوم من الايام كان الجو صافي منعش تداعبه نسمه عليله بارده وقطيعات من الغيوم ناصعة البياض وعندها كانت عمتي فوق التنكه المذكوره اعلاه تراقب إذ بعاصفه عاتيه |10|وغبار وهواء شديد يعكر الجو وصوت وقوة العاصفه تضرب السطح الموجود به عمتي :eek: وكما يسميه التلفزيون (غضب الطبيعه :D )
ومن هول المنظر وسوء المشهد وقفت عمتي على التنكه منبهره لا تعرف ماذا تفعل...!!!
لقد سيطر عليها الخوف والهلع فتطايرت الملابس المنشوره على حبل الغسيل وتساقطت الصحون وتكسرت من غضب الطبيعه وطار الفصفص والكراث في عنان السماء وطار منيخلها (المنيخل: هي الشيله التي تلبسها العجز من اول .... هذه المعلومه لصغار السن وحديثي الولاده....) وطارت الكشه وأنتفشت العراده وضاعت الفرقه اللي في الراس|281|
وعمتي في مكانها لا تتحرك من هول ماحدث أصيبت (بأم الركب |10| ) فضربتها العاصفه الهوجاء فأختل توازنها وطاحت من فوق التنكه الملعونه وسقطت على خشتها وأنكسر ضرس الذهب من قوه الارتطام:o وأصيبت بكسر مضاعف في ركبتها السودا داكنه السواد .
فجلست تزحف على بطنها متجهه الي باب السطح (وين كوماندوز) والعاصفه تضرب بها وتتفل:)(الغذر اخوانى من كلمتة تتفل) عليها حتي وصلت الى الباب وتمسكت بالكيلون وهو متخلخل فأنكسر الكيلون فتدحرجت مع الدرج حتى وصلت الى أخر الدرج وهي تتدربا مثل الكوره الصب (( كوره الصب: هي كوره بنية اللون صلبة الملمس تصنع من جلد الحمير تسبب عاهات وتشوهات أذا ضربت أحد اللاعبين... وكدمات بعدة اللون اذا وصلت للجلد..... هذه المعلومه لصغار السن وحديثي الولاده....) ))
كانت رحمة الله عليها دبه سمينه (( حوت بشري يمشي على الارض)) ولها ثلاث ديود أثنين حليب وأحد شاهي ساده :D
يوم سمعو عيالها دوي الطيحه يحسبونها أسطوانه غاز منفجره|8| .. جو يتراكضون ويصيحون ( يأااااااااماه يأااااااااااااااااااماه)
يوم جو لقوها متكسره في جميع اجزاء جسمها حتى اذنها مكسوره ويوم جوا يشيلونها ما قدروا متفككه
حطوها في بطانيه و ودوها مستشفى الشميسي لكن المستشفى رفض استقبالها لانها ما عاد تنفع حتى الدكتور الهندي قال لعياهل ارموها ما تتصلح
شالوها و ودوها لـ بن مزروع (بن مزروع: هو طبيب شعبي كان يعالج الكسور واصابات الملاعب سابقا... هذه المعلومه لصغار السن وحديثي الولاده....) ويوم شافها قال وش صادمها تريله ولا قطار..؟؟؟ بس بحاول اعالجها والباقي على الله
لانها تكسرت مره واختلفت عظامها حتى لقوا اصبع رجلها الصغير في كتفها يحسبونه ثالول طلع اصبع :(
بعدين جمع الخشب والمسامير والاسيام والحديد (مابقى الا سمنت) كانوا يعالجون اول بذا الطريقه وبطحوها عيالها في ديوانية بن مزروع وبدا الشغل والطقطقه والتركيب كن داخل ورشه في الصناعيه (ناقص خرط هوبات)
وبعد ما ركب الخشب عليها وربطها بالمسامير والاسيام اول ما شفتها احسبها عماره عظم :D
خلص بن مزروع –رحمه الله- خلال اسبوعين من العمل الشاق من الرتكيب والتجبير والفك والربط
شالوها عيالها وركبوها في صندوق الونيت (خروف) بعد ما فرشوا مطرحه في الصندوق لانها ما تقدر تجلس وراحاو للبيت وشالوها على الاكتاف بيدخلونها البيت وفي هذا الوقت قعدت تناظر الدرج والسطح ويذب عليها ولدها يقولها ما ودك تروحين للسطح|502|..!!
صدقت قالت بكره لين يعافيني الله ( ما تأدبت ذا العجوز ) |459||459|
المهم.......حطوها على دوشقها في المقلط واجتمعوا عندها عيالها وبناتها واحفادها واحفاد احفادها وجلست تصيح بس مهوب من الالم...... الا من ضرسها الذهب اللي انكسر وتقول لبناتها ذهب جمالي مع الريح صرت شينه ماعاد مناظرني ابوكم اخاف يعرس علي (والله ان رجلها احلى منها)
تدهورت حالتها عقب ذا الادويه الشعبيه من الرشاد والحلتيت والحلبه والمره والصعوط والقرايه والعزايم
فضعفت وهزلت وتدهورت حالتها وبعد الحادث بثلاثين سنه انتقلت الى جوار ربها الكريم|190||198||114|اثر الحادث الذي الّم بها ذاك الحين واخذها الموت وهي في ريعان شبابها وزهرة عمرها فقد كان عمره لا يتجاوز 86 ربيعا مزدهرا (علما بأن هذا العمر غي حقيقي فهي مصغره في التابعيه)
يوم جا ابوها اللي هو جدي ذو 120 خريفا (ابعد من منتزه سعد عن الرياض:D ) واخوانه
اول ما دخلت عليهم في الديوانيه احسب اني داخل حوش ديناصورات من كبرهم :D وجلس جدي يصيح ويقول خطفها الموت من بين احضاني|5| اخذ قعدتي وراح... رحلت دلوعتي... ذهبت آخر العنقود|575|اخذت قلبي ورحلت جددت احزاني بعد وفاة غزالي (اللي هي امها)
رحم الله عمتي رحمة تنزل عليها بس هذي نهاية عجوز
اهئ اهئ اهئ
MSROOOOOOQ