شفتها يا سعود صدفه ..., لا تفوتك..

[بدوي]

شفتها يا سعود صدفه بعد ماغابت سنيـن
عند قسم المختبر وسط مشفى الجامعـه

جيتها ثم قلت ممكن في سؤالي تسمحيـن
ناظرت فيني بدهشـه نظـره متواضعـه

قالت انته تحسبني مـن بنـات صايعيـن
تحسبني في عزماني بطريقـي ضايعـه

قلت انا ماراح اطـول كلبوهـا كلمتيـن
وابعدت عني شويه ثـم جتنـي راجعـه

قالت اسال واضح انك من رجال طيبيـن
بس هرجك يالسنافي كان وشهـو دافعـه

قلت انا حبيت وحده يوم كنـا صغيريـن
ومن ثمان اسنين راحت للمواصل قاطعه

عقبهـا ماذقـت نـوم يهتنيـه النايميـن
ساهر في طول ليلي لين شمسي طالعـه

اذكر انه فيه حبه فوق ثغره مـن يميـن
واذكر انه لاجرينـا كـن شعـره تابعـه

واذكر انـه عاشـق الـورد والياسميـن
صار قلبي بالورود اللي عشقها زارعـه

طابعا اسمه بقلبي فيه سين وفيـه عيـن
وفيه الف وفيه دال وسط قلبـي طابعـه

قاطعتني بقولهـا سبحـان رب العالميـن
كررتها مـره .. ومرتيـن .. ورابعـة

قلت وشفيك وشبـلاك يابنيـه ترجفيـن
ليش عينك يابنيـه مـن كلامـي دامعـه

قالت الموقف وقلبي والمحبـه والحنيـن
كيف اشوفك بعد ماكنـت عنـك قانعـه

قلت انا بسألـك انكانـك انتـي تذكريـن
عن مواثيق ثمنهـا مـن حياتـي دافعـه

قالت ظروف الزمان ماتطيـع العاشقيـن
بيعوني غصب حبك لو هو ماني بايعـه

انا في دنياي حالي كنها حـال السجيـن
حتى لو فكوا سراحه فيـه شـي مانعـه

زوجوني غصب واحد وحرموني حاجتين
السعاده فـي زمانـي والحيـاه الرائعـه

والحين انا ام لثلاثه عندي ريم وياسميـن
والولد اسمه على اسمك والمشاعر جايعه


..م...ن...ق...و...ل..

[5 * * * * *]

رائع بدوي ونقل موفق .

هناك قصيدة للشاعر طلال السعيد قريبه من وزن وقافية الابيات السابقة مطلعها :

وادعت من كان ودي ما وادعه .

تحياتي .