على ذاك الجدار اللي على حدّه بيوت الطين ........ وقفت وهاجس الذكرى نفض فى قلبى غباره

[تميم نجد]

السلام عليكم اخواني انا لست بشاعر ولكني متذوق اعتذر لمن تكون له القصيده لعدم ذكر اسمه بسبب انني لااحتفظ بالاسماء.


على ذاك الجدار اللي على حدّه بيوت الطــــين
وقفت وهاجس الذكرى نفض فى قلبى غباره

وقفت اطلق مدى شوفي واناظر مفرق الدربين
واشوف الدار وعيوني تضم الدرب وجــــــداره

اجل هذا الجدار اللي سهريوم العرب غافـــين
اجل هذا الصديق اللى ذكرني واذكر اسـراره

انا اذكر يوم يجمعنا يغطــينا برمش العـــــين
سجا ليله وسـوى بـه علـى عشاقـه ستـاره

حجر لكن احس انه يحــس بفــرحة القلبـــــين
احس انه نفس لكـن غـدى جامـد مـن اقـداره

حجر يوم العرب تنسى اذا مّرت عليها سنين
حجر يوم العرب تنسـى حبيـب مبـعـده داره

ولكن الجدار اللى تركته من هذاك اللحيــــن
عرفنـي يـوم قابلتـه وبلـل دمعـي احجـاره

جلست وهاجت الذكرى وقلت بخاطرٍ مسكين
ثمان سنين فى وحشه ولا احـدن بيننـا زاره

[5 * * * * *]

هلا بالغالي تميم نجد .

اختيار موفق مشاء الله عليك ويدل على ذوق رفيع .

تحياتي .

[الجنوبي]

حياك وبياك اخونا تميم نجد واختيار رائع .

اجل هذا الجدار اللي سهريوم العرب غافين......... اجل هذا الصديق اللى ذكرني واذكر اسـراره

[سطام بن فهيد]

كاتب الرسالة الأصلية الجنوبي
حياك وبياك اخونا تميم نجد واختيار رائع .

اجل هذا الجدار اللي سهريوم العرب غافين......... اجل هذا الصديق اللى ذكرني واذكر اسـراره

[تميم نجد]

ابوسلطان ،الجنوبي، سطام بن فهيد ،شكرا على مروركم الكريم

[ربع ساعة]

حجر لكن احس انه يحس بفرحة القلبين ....... احس انه نفس لكـن غـدى جامـد مـن اقـداره

[بــــــــحـــــر]

على ذاك الجدار اللي على حدّه بيوت الطين ........ وقفت وهاجس الذكرى نفض فى قلبى غباره

[ربع ساعة]

والله قصيدة رائعة رائعة .. كل شوي ادخل اقراها ..

على ذاك الجدار اللي على حده بيووت الطين


وقفت وهااااااااااااااااجس الذكرى نفض في قلبي غباره

[تميم نجد]

ابو سعد من وين طلعت هالقصيده شكلك جالس تفصف القسم الادبي تصدق انها اول مشاركه شاركت فيها في منتديات الحوار الوطني. ياجعلك تسلم والله

[تميم نجد]

اختي بحر شكرا على مرورك

[ربع ساعة]

ابو سعد من وين طلعت هالقصيده شكلك جالس تفصف القسم الادبي تصدق انها اول مشاركه شاركت فيها في منتديات الحوار الوطني. ياجعلك تسلم والله

والله قمت اتعبث بالقسم حقكم لين لقيتها وتبي الجد يا بو عبدالله .. هي جتني رسالة جوال وقلت عساني القاها كاملة .. ولا خذت لي يومين الا والقاها يومني احوس بقسمكم .. قلت جت من الله .. ومن وقتها وانا كل شوي ادخل واقراها و اطلع . وعلى هالحال بصراحة قووية وتستاهل
ولا استغرب منك مشاركاتك الرائعة بالمنتدى مدام هذي هي اول مشاركة لك .. يعني حامي من دخلت ..

حجر لكن احس انه يحس بفرحة القلبين ....... احس انه نفس لكـن غـدى جامـد مـن اقـداره

[تميم نجد]

شكرالك عزيزي على الاطراء والفضل لله ثم لوقوف الاخوه معي وخاصة انت وبدون مجامله .ولو ان لي عتب عليك صراحة في بعض مواضيعك وودي اصطرك احيانا بس يالله الاختلاف في الرأي لايفسد للود قظيه .وانا اشوف انك تعزمني في المكان اللي انت خابر علشان نتدارس نقطة الخلاف بيننا وبدون بروفشيونال لاني صراحه اخاف يخربهابيننا.

[ربع ساعة]

شكرالك عزيزي على الاطراء والفضل لله ثم لوقوف الاخوه معي وخاصة انت وبدون مجامله .ولو ان لي عتب عليك صراحة في بعض مواضيعك وودي اصطرك احيانا بس يالله الاختلاف في الرأي لايفسد للود قظيه .وانا اشوف انك تعزمني في المكان اللي انت خابر علشان نتدارس نقطة الخلاف بيننا وبدون بروفشيونال لاني صراحه اخاف يخربهابيننا.

تميم نجد اذا فيه ملاحظات على مواضيعي حطها لي بالبرايفت وانا ارد عليك وكذا لو مو اون لاين عادي .. وانت اخوي الكبير واكيد بستفيد من اراءك
اما المكان اللي انت خابر والله دق علي في اي وقت وخلنا نروح صدقني بيعجبك ..

[رحيق الوجد]

عزيزى تميم نجد





ماشاالله عليك .الله يحفظك ماخليت لنا شىء نقوله بعد هالبيوت . الا صح لسانك يالغالى




ولكن الجدار اللى تركته من هذاك اللحيــــن
عرفنـي يـوم قابلتـه وبلـل دمعـي احجـاره

جلست وهاجت الذكرى وقلت بخاطرٍ مسكين
ثمان سنين فى وحشه ولا احـدن بيننـا زاره



ذكرتنتا ماضى نبى ننساه ودمتم

[تميم نجد]

هلابك اخوي رحيق الوجد ياجعلك تسلم اشكر لك المرور.تحياتي

[الياسمين]

ولكن الجدار اللى تركته من هذاك اللحيــــن
عرفنـي يـوم قابلتـه وبلـل دمعـي احجـاره




ولكن الجدار اللى تركته من هذاك اللحيــــن
عرفنـي يـوم قابلتـه وبلـل دمعـي احجـاره


ياسلالالالام


ابيااااات لهاذكرى

اخى تميم المتذوق لا يقل عن الشاعر

تحيه الى ذوقك الراااائع

[ميتافيزيقي]

ولكن الجدار اللى تركته من هذاك اللحيــــن
عرفنـي يـوم قابلتـه وبلـل دمعـي احجـاره

جلست وهاجت الذكرى وقلت بخاطرٍ مسكين
ثمان سنين فى وحشه ولا احـدن بيننـا زاره

[تميم نجد]

ميتافيزيقي اشكر لك مرورك.تحياتي