مطلوب شاعر رد.... [الأرشيف] - - - --^[ (الحوار الوطني) ]^-- -

ابو ثامر

01-Sep-2003, 11:48 PM

سلام الله سلامٍ يرسي الحبه على التهديف

................على روس الرجال اللي محككةٍ مناسبها

انا برفع علم للي يبا يأصل لنا تشريف

......................نبادله البيوت اللي تعبنا في مكاتبها

وسلامتكم...هل من شاعر يشاركنا ولا يقسوا علينا.

علي بن علي

03-Sep-2003, 01:17 AM

افا مافيه ولا شاعر يرد عليك يا ابو ثامر ..

انا ماسك الصف ....

الوايلـــي ***

05-Sep-2003, 06:25 AM

هــلا باللي وجوده زاد المنتدى تشريف
.............. هلا بك يا حبيب الكل والقيفان نتعبها
طيبك يابو ثامر ما ينوصف توصيــــف
...............يعجز القاف لا يحصي فعولك مع مناقبها
عسى ربي يعز الرايه ام النخل والسيف
...............بالمنتدى حنا سوى نحارب من يحاربها
انت وانا يابو ثامر ما همنـــا التخويف
..............المملكه . اعدائها حنا نحسّـــن شواربها

ابن رسا

07-Sep-2003, 12:53 AM

خلوهاااا.

هلابك يا ابوثامر وانت مايحتاج لك تعريف

..................من رجال(ن)خلقها الله كعام اللي يحاربها

الا يا زين ممشانا في طرقتنا بلا تحريف

...................نبا نمشي سوى واهل المناصب في مناصبها

وسلامتكم ....واخوكم جديد هنا.

الوايلـــي ***

07-Sep-2003, 04:13 AM

هيــــــــــــه خلوهاااااااااا
هــــــــــــــلابك يابن رسا
اهلا بكم يا بن رسا ترحيبةٍ بلا تسويف
.............. يابن الكرام اللي مجاباتٍ مطالبها
بالمنتدى راعي محل لا تحسب انك ضيف
..............المنتدى نور بكم ويفتح لكم مباوبها

الوايلـــي ***

07-Sep-2003, 04:14 AM

ادياركم يابو ثامر ما تنسكن في فصل الصيف
................... مع الرطوبه ما تقدر على الشعّار تغلبها
عندي نصيحه سالمه من التهويــل والتـزيـيـف
.................. شم الهوى عند الشمال اللي النفس يطربها

ابو ثامر

08-Sep-2003, 12:21 AM

هلا بالوائلي مليون ولايكفون..

هلا يا الوائلي من باب جدة لا حدود طريف

....................تحياتٍ نقدمها لكم والقلب يطربها

انا ودي نسير يم دارٍ زاهجٍ بالريف

...............نفتش في العرب وانشوف طيبها وخيبها

سرا وعلق بيرقه.

الوايلـــي ***

08-Sep-2003, 03:52 AM

هلابك يابو ثامر كثر الدراهم ببنوك جنيف
............. وكثر الحصى بالارض والنوار في شعايبها
في جيتك نفرح مثل فرحة من عبروا برليف
.............هاك الزمان اللي يوم العدوان نحاربها

علي بن علي

09-Sep-2003, 01:38 AM

ما شاء الله صاروا ثلاثة شعراء ....اللهم زد وبارك.

وانا ماسك الصف ..هيه هيه.

ابو ثامر

11-Sep-2003, 05:00 PM

مرحبا تراحيب يا ابن رسا.
خلوووهاااا

هلا بك والمراكب في البحر جدف لها تجديف

..............عسى نلقا الدرر والاّ نشرق في مراكبها

ترى نوض البروق نخيلها والراعدات تخيف

.............حصيل امطارها الحرمل نباتٍ في مناكبها

هيه سرا.

ابو ثامر

12-Sep-2003, 01:08 AM

مرحبا بالوائلي..

يهفهف جونا البحري نسايم باردات السيف

.........لنا فيها مصالح حدت الطارش سبايبها

وانا روحي شمال تعانق الطيب بلا تكليف

.............افكر في الزيارة وانظر الايام تجلبها

قريب ان شاء الله يا حبيبنا.

الديك

25-Sep-2003, 03:29 AM

خلوووووووووووه <<<< كذا يبدون :D

على عيني , على راسي , طلبكم حاضرٍ , تهديف
.................... عسى ها بالزهر ينبت بها يطلع خضارابها
يقول الديك : يا بو ثامرٍ , تامر أمر , كالسيف
.................على ارقاب العدى يمضي عليهم ما مضى بابها (1)

شلووووووووها <<< كذا ينتهون

===
ملاحظة : أخي أبو ثامر هذه مشاركة و لا تعني بالضرورة بأني شاعر (( وهذا واضح من ضعف البيتين السابقين )).
و لكن أحببت المشاركة لحبي لقراءة الشعر.

(1) بابها : أي بأبها و لكن للضرورة الشعرية لا تنطق الهمزة :D

تحياتي لكم

ابو ثامر

26-Sep-2003, 01:55 AM

هلا والله بالديك الفصيح....جميله الابيات ومشكور على الرد .

وخلوهااااا

هلا بالشاعر الفاضل صحيحٍ مابها تزييف

.............. نقدم لك بواك الورد والكادي نقربها

نبا نلعب بنا نسهر ليالٍ مالها توصيف

.................. وخل الهم يبعد عن ليالينا ونطربها

يسرا وعلق بيرقه.

mo3en

10-Oct-2003, 04:22 AM

هلا بأهل الوطن كلهم بلا تصنيف***هلا باللّي المراجل في شواربها

فقيه السوء هاليومين كثّر التخريف***من عضّت أنماااربانت مآربها

ابو ثامر

11-Oct-2003, 02:07 AM

هلا باخوي معين ....الله يحييك.

الا يامرحبا ياصاحبي عدة نجوم الصيف .......هلابك لايهمك هاملٍ يسكن مرابطها

ترى المتعوس و علومه قبل تخريق.........عساه يطق ما نال الثناء والحال يتعبها

ولك التحية.

مجاهد ويب

31-Oct-2003, 03:05 AM

هــــلا بـاللي يـطـلـب الـــرد والتــخـــفــيـــف

0000000000هـــــــلا بـــه وبــديـــرتــه وحــــبـايـبـــهـــــا

ما نقســا على أهــل جــدة يكــفيهم الصــيف

0000000000وحـــبــنـا لهـــم يـــزيــد فــي لهـــايـبـــهـــــا

ابو ثامر

31-Oct-2003, 08:23 PM

هلا بمجاهد.

اذا زرتوا هلا في دارنا بالضيف .......هلا يا مرحبا واهل المراكب في مراكبها

زيارتكم لنا بتزود اجوانا ترى تلطيف...سحايبكم مطرها ينبت الورد بجنايبها

ولك التحية.

نـــجـــم

01-Nov-2003, 03:42 AM

انا لاجيتكم ضايف ولا ماجيتكم باظيف
عجبني قافكم في ديرةٍ تعجب مضاربها

ابو ثامر

01-Nov-2003, 10:39 PM

هلا يا نجم يا بادي لنا تشريف.....تفضل بالعلوم اللي يشوقنا تجاذبها

نحياتي يا اخونا نجم.

نـــجـــم

04-Nov-2003, 02:39 AM

اعرفك يا ابو ثامر ومثلك ما يبا تصنيف
تعسف القاف لو يعصا قصايد من مذاهبها

ابو ثامر

04-Nov-2003, 10:18 PM

الا يانجم ودي نلحق اللي ناوي التطويف....نعسفه لين يعرف مخطي السكه وصايبها

ولك التحية.

اعشق تراب الوطن

07-Nov-2003, 09:17 AM

هلا أخواني الكرام لي الشرف أشارك معاكم {3}

سلام الله على أبطـــــــال القـــلم والســــــــــيف

....................على من أبدع القـــــــاف وشوقـّـني بســـــــبايبها

نويت أشـــــــــــارك بالِكلمــــــــــــات والتوصــيف

....................عساني أقـــــــــوم بالواجــــب وأتعدى صـــعايبها

أبنشـدكم عن اللي زيّف الواقع وعاش بالتخريف

.....................يقول إصــــــلاح وهو نـــــــــــاوي يخربهــــــــــا

لعــــــــــــــنه الله على كـــــــــــل هالتأليـــــف

....................عساه يشوف بالدنيــــــــــــــــــــــا عوأقبـهـــــــــا

مفرح

07-Nov-2003, 09:57 PM

حلوه يا اخوي..اعشق تراب الوطن....هيا ردوا ياشعار.

نـــجـــم

09-Nov-2003, 03:38 AM

هلا وعشقي ترابك ياوطن لي كيف
وعشقي لك حياةٍ مستحيل اني اغالبها

حياةٍ مابها زيفٍ ولاني مدعي تزييف
رجالك ياوطن حنا لك الارواح نبذلها وناهبها

وحنا ضد داعي الكذب وعشاقة التسويف
رخم والبوم وطيور الظلام اللي نحاربها

عليهم لعنة الله جاحدين العرف والتعريف
فهم بذره من الشيطان واتباعه ربايبها

اعشق تراب الوطن

10-Nov-2003, 08:37 AM

هلا يا نجم يا عالي هلا بك فوق التوصيف

أحيي عاشق مثلي عشق صحرا وشعايبهااااا

اناأشهداالوطن غالي فداه ارواحنا بالسيف

نفديه رجل و البنت واطفالٍ على حمله ندربهاااا

بلدنا منبع للنور وهذا زادنا تشريف

عسى الله أرض الخير الفتنة يجنبهااااااا

نجد موطن أجدادي وفيهامكرمين الضيف

احب ريح الخزام لي هبّت هبايبهااااااااا

الطيب

11-Nov-2003, 04:07 AM

السلام عليكم ورحمة الله وبركاته

أبو ثامر ماصارت محاوره ياخوي كل من جاء رمى بيتين والا ثلاثه....

وش السالفه ... الدعوى قطيه والا ويش ...

اللي أعرفه المحاوره بين أثنين والا أنا غلطان يامال الشحم...

تحياتي ...

الطيب...

ابو ثامر

11-Nov-2003, 05:02 AM

وعليكم السلام والرحمة والاكرام ....اخي الطيب.

اولاً تشرفنا بتواجدك

ثانياً...هذا الموضوع له قصة.....فاول ما فتحنا المنتدى كان الرواد قليل ووضعت هذا الموضوع .....وبعدين صاروا الاخوة الكل يدخل ويحط بيت او بيتين ...فاصبح قطيه:D

فهو ليس محاورة حسب المفهوم ...واخوك ماهو بشاعر بس يحب يستأنس مع الاخوان..

فحياك الله وبياك ...وجعل قدومك قدوم خير.

مفرح

16-Feb-2004, 09:16 PM

نرفعه عسا الشعار تعاود الرد والشعر.

خلف إخلاف

18-Feb-2004, 02:01 AM

اقول ياابو ثامر

انا خشيت هنيا ابي اقولكم لا تحتروني

انا اصلع ما براسي شعر

ابو ثامر

18-Feb-2004, 02:09 PM

هلا بخلف خلاف.

ما يعيب الرجال الا جيبه ..اما الصلع فهي علامة النبوغ ..هههههههههه

تحياتي.

سيدي سمع و طاعة

19-Feb-2004, 03:18 PM

السلام عليكم ورحمة الله وبركاتة

كلمتي وحده..و ماظن بها تحريف
دارنا حره... والكرم من عوايدها
يالفهد فقلوبنا كلمة.. ما بها تزيف
سيدي سمع و طاعة لك يافهدها

تحياتي للجميع: سيدي سمع و طاعة

سيدي سمع و طاعة

19-Feb-2004, 03:28 PM