ناس لو بتعدها مثل الريموت

[نـــجـــم]

احيان تكتب قصيده وتحبها مو علشانتك كاتبها بل لان القصيده لها هدف وهذه من القصائد اللي احبها



المسجـى عقـل والكلمه تمـوت
والحروف بلا كلام(ن) ينوجد تاويلها


والبقايـا نفـاق او صحبـة بلـوت
او مصالح صعب مـا تمشـي لهـا


والغريب الناس تحيا فـي سكـوت
وكل امر(ن) مـر مـا يعنـي لهـا


ناس تقضي العمر تكشخ بالبشـوت
وناس بالحاجات مـن يقضـي لهـا


وناس تجمع مـال والدنيـا بخـوت
وناس منهـا فقرهـا يشكـي لهـا


وناس ما تهتـم بمـرور الوقـوت
ماتفرق بالنهار اللـي يمـر وليلهـا


وناس لو بتعدهـم مثـل الريمـوت
تتحرك في يديك تحطهـا وتشيلهـا



عـــبـــدالله الـعـقــيــل

[الكابتن]

المسجـى عقـل والكلمه تمـوت
والحروف بلا كلام(ن) ينوجد تاويلها


والبقايـا نفـاق او صحبـة بلـوت
او مصالح صعب مـا تمشـي لهـا

الله الله حينما تجتمع الكلمة والهدف وتترجم إلى لوحة فنان معبرة صح لسانك يانجم

[السمار]

صدقت نجم ومشكور على الاختيار الموفق للابيات المعبره عن حال كثير من الناس اللي يدارون بالريموت وبدون تحفظ وبدون كرامه .

تحياتي وتقديري .

[ابو ثامر]

اختيار رائع وموفق ...وحلاة الشعر اذا صادف الحقيقة.

تحياتي ...نجم.

[باسم علي]

حياك الله اخي الكريم نجم

نعم وكما قال ابو ثامر إختيار موفق ، وخاصه إذا ما وافق الواقع .

وواقع اليوم فيه كل التناقضات .


منكم العذر لعدم دخولي ساحة الشعر إلا فيما ندر ز