بلاك ربـك فيـه وأنـت ابتليتـه [الأرشيف] - - - --^[ (الحوار الوطني) ]^-- -

طرقي

25-Dec-2003, 07:54 PM

اللي ما يعرف الصقر!!
هذه القصيدة لها قصه قصيرة وهي أن الشاعر عبدالله بن نقا العتيبي علم ان احد الأشخاص يمتلك طير حر، ولكنه لا يعرف الطيور ويسيء معاملتها..عندها تذكر الشاعر صديقا له يعرف قيمة الطير ويستحق ملكيته لكرمه وطيب منبعه وهو "قاسي بن محمد السهلي السبيعي" فتمنى لو تنتقل ملكية الطير لهذا الكريم وانشد قائلا:

يا هيه يا للي عندك الطير جوعـان...بلاك ربـك فيـه وأنـت ابتليتـه...
أشغلك واشغلته على غير برهـان...مايهتويك الطير وأنـت ماهتويتـه...
نوب عشاه من القصاصيب قصبان...ونوب دجاج،ونوب نمـت ونسيتـه...
وده لابو فيصـل يعشيـه خرفـان...تـراك بالفيـران هدمـت بيـتـه...
شل الوكر والطير في بيت هـدلان...في بيت حلال النشب لـي نصيتـه...
في بيت "قاسي"يصبح الطير شبعان...ذباح كاسـره العمـد لـي لفيتـه...
حتى يبين الطير لطيـور حـوران...في مجلس عريبين الانسـاب ليتـه...
ويشيع ذكره بين حضـر وبـدوان...عند "الحفيظي"الطير يفـرح ببيتـه...
قوم لهم في ساحة المجـد عنـوان...طيب الجدود أهل الحظوظ البخيتـه...
والا أنت شانك شان والطير له شان...لو ماعرفت اسمه خطير شويته..!!...
مسكين ياحر مـع الوكـر حـران...تحت الدرج مكتوم مابـان صيتـه...

.
.
.
منقووووول

طيروي2003

26-Dec-2003, 12:02 AM

أخي طرقي قصيدة رائعة وأنت مبدع ماشاء الله في كل قسم

طرقي

26-Dec-2003, 11:44 PM

ماعليك زود اخوي طيروي2003

شكرا لمرورك

ابو ثامر

28-Dec-2003, 01:27 PM

هذه الرائعه اخي طرقي...تستوي على وجوه كثيرة ...كم من واحدٍ عنده طير حر ما يقدره حق قدره.

فشكراً لك ....ولك التحية.