الجزا صدام من نفس الغليلة. [الأرشيف] - - - --^[ (الحوار الوطني) ]^-- -

مشاهدة النسخة كاملة : الجزا صدام من نفس الغليلة.

حادي العيس

19-Dec-2003, 05:10 PM

اخواني الاحبة اسف على طول الغياب لضروف خارجه عن الارادة ..فارجو المعذرة.

ليتني ماشفت عينن له ذليله ...تحت رحمة عسكرٍ ما اعرف لغاها

عقب عزه في البلداهل وقبيله...زايغه عينه ونفسه ما يباها

موقف الحقران يا كبر الفشيله...التكبر راح والنفخه نساها

الله اكبر كيف هد الوقت حيله...انهدم ركنه بعد شيد بناها

التكبر والصلف غير الفضيله ... راح في غيه ولا حسّب قفاها

في الدروب الصح ما وفق دليله...غشته نفسه وشيطانه بلاها

بيّت الجيران واخطأ في مقيله ...طاوع النفس الخبيثه في هواها

ذي بداية طيحته مومي شليله ... والجزا ذله ونفسه ما وقاها

وين ابن صالح وياسر ياحليله...وين ابن عطوان والبكري وراها

شلة اليتمان والنفس العليله...طبلوا له والنهاية من قراها

الجزا صدام من نفس الغليله ...كم يتيمه في السحر ترفع دعاها

وكم عزيزٍ فارق اولاد وحليله...وكم عجوزٍ فاقدت شوفة نماها

والنهاية علج غطاكم بشيله... جرعك بالذل كاسٍ لك ملاها

5 * * * * *

19-Dec-2003, 06:35 PM

حمدا لله على سلامتك حادي العيس .

والنهاية علج غطاكم بشيله... جرعك بالذل كاسٍ لك ملاها

نهاية كل متغطرس وجبار لعله يذوق ما اذاقها لشعبه من ذل ومهانه ..... اللهم لاشماته .

تحياتي .

نـــجـــم

21-Dec-2003, 01:14 PM

الغالي حادي العيس

صح لسانك وبنانك يالغالي

لو انه بطل كما ادعى لحمل سلاحه ولكنه كان فقط يتلذذ بدماء ابناء العراق

وبالتوفيق

فيلسوف

22-Dec-2003, 06:35 AM

لو انه بطل كما ادعى لحمل سلاحه ولكنه كان فقط يتلذذ بدماء ابناء العراق

هذا ما قلته امريكا ونحن سمعنا من امريكا ولم نسمع من طرف ثاني
وما اتوقع انه سلم نفسه .....
شكرا لكم ...وشكرا لك يا اخي على القصيدة

ابو ثامر

22-Dec-2003, 02:29 PM

شلة اليتمان والنفس العليله...طبلوا له والنهاية من قراها

الجزا صدام من نفس الغليله ...كم يتيمه في السحر ترفع دعاها

....

صح لسانك.

سطام بن فهيد

24-Dec-2003, 07:52 AM

شلة اليتمان والنفس العليله...طبلوا له والنهاية من قراها

الجزا صدام من نفس الغليله ...كم يتيمه في السحر ترفع دعاها

صح لسانك ياولد الشايب

ولا عدمنا حرفك

وعساك على القوه
تحياتي لك
اخوك
سطام

سطام بن فهيد

24-Dec-2003, 07:52 AM