باااااااااااااااااااااااااك ,,, وحشتوني

[نبض الوطن]

السلام عليكم ورحمة الله وبركاته



وش اخباركم وانشالله تكونون كلكم بخير وصحة وعافية



أعتذر عن غيابي الي صار اليومين اللي فاتت وبكل الشوق والحب رجعتلكم

وانشالله ما ينكتب علينا الفراق مرة ثانية



,,,



اشكر كل للي سأل عني بدون تحديد أسامي واشالله ربي يبلغكم رمضان وانتو بصحة وعافية يارب,,,

تحياتي ي ي ي............

[بنت غامد]

هلا فيك نبض الوطن

وحمد لله على سلامتك

عودا حميدا للحوار ومبروك عليك الشهر وللجميع ايضا كل عام وأنتم بخير

أختك

بنت غامد

[نبض الوطن]

هلا فيك نبض الوطن

وحمد لله على سلامتك

عودا حميدا للحوار ومبروك عليك الشهر وللجميع ايضا كل عام وأنتم بخير

أختك

بنت غامد


أهلا فيك أختي شجون غامد

والله يبارك فيك وكل عام وانت بألف خير



أشكرك على الترحيب ولك أجمل تحيــــــه ...

[""السائر""]

ولكم باااااك
عن أذنك بررررررب

[نبض الوطن]

ولكم باااااك
عن أذنك بررررررب


ههههههههههههههههههههه


هلا فيك أخوي سائر


أسعدني تواجدك

[تميم نجد]

W B
ماشاء الله ممداك تدرس الا وعطلت والا رجعوك الامريكان انا قايل حدك مدرسه حكوميه، الحمد لله على سلامتك ومنور الروم،قصدي المنتدى !!! معك المايك

[نبض الوطن]

ليش رجعت . أنا ما رجعت السعودية, تونا بدينا الدراسة , أنا قصدي رجعتلكم في المنتدى



تميم : الكبر شين وانا اخوك , وش فيه ما تركز

[تميم نجد]

اي كبر الله يهديك كل ماقلت حرفين قلتلي الكبر شين انا فكرت ان مافيه في امريكا انتر نت احسبه بس عندنا(5)

[تميم نجد]

الا اخوي نبض ماودك اجي اصوم رمضان عندك يقولون ان النهار قصير في امريكا.

[نبض الوطن]

الله يحييك لكن اللي قالك المعلومة هذي غلطان

أنا أمس رحت صليت للجمعة في المركز الاسلامي في كالامازو وأخذت من عندهم تقويم مواعيد الصلاة والاشراق والغروب

الفجر عندنا اليوم مثلا يأذن -عفوا أقصد يحين - الساعة 5:45 صباحًا بتوقيتنا
المغرب يحين الساعة 8 مساءًا ,,, يعني الله يعينا على الجوع

هاه باقي ودك تجي والا بطلت؟


اسمع أحس شيء تجي تعيد عندنا وش رايك ؟ ترا العيد عندنا وناااااسه

[المحرومه]

welcome back
نبض الوطن ونورت المنتدى وأهلا وسهلا فيك
وحمد لله على السلامه (22)

[نبض الوطن]

welcome back
نبض الوطن ونورت المنتدى وأهلا وسهلا فيك
وحمد لله على السلامه (22)


الله يسلمك يا المحرومة والمنتدى منور بك وبكل الاعضاء والمشرفين



شكرا لك

[تميم نجد]

مادام كذا اجل بخلي جيتي بعد رمضان ومنها تكون انت بعد روقت.

[نبض الوطن]

مادام كذا اجل بخلي جيتي بعد رمضان ومنها تكون انت بعد روقت.


يا هلا والله وسهلا يا تميم , اما شالتك الأرض تشيلك عيونا

,,,

كم عندنا تميم حنا؟

[تميم نجد]

اكيد مافيه تميم في المنتدى الا انا اذكر فيه واحد طرده ابو سلطان.

الله يسلمك اخوي نبض كلماتك شجعتني اني اجيك لكن اخوك ماعنده قيمه التذكره بحاول اسوي معرف ثاني وادخل مسابقة رمضان على الله افوز بدراهم منصور.واذا فزت ترى الماريه الغفله.

[نبض الوطن]

والله الالفين ما بتجيبلك قيمة الأكل عند الخطوط السعودية


تذكرتي يوم جيت آخر مره هذي كانت قيمتها 14 ألف ريال ومئة وخمسين

بس كانت درجة الأفق , وحكومية , فانت على اعتبار انك طالع سياحي - ويخب عليك- قل ينقص الفين ريال , وعلشان التذكرة بتكون على حسابك قل ينقص الفين ثانية ,

يعني تصير التذكرة الاصلية لين توصل عندي حوالي 10 الآف ريال , وبالنسبة للجية من المطار لا تشيل هم باستقبلك ههههههههههههههههههههههههههههههه



,,,,

وش قلت بتجي والا بطلت؟

[نبض الوطن]

<<<< يحاول يصرفه وعيا لا يتصرف , لصصصصقه !!


ههههههههههههههههههههههههههههه

[تميم نجد]

لاابجي ان شاء الله الله لايعوق بشر لكن هالحين الخطوط السعوديه تقدم مفاطيح يومها تاخذ الفين؟؟ اللي انا خابره انها تقدم سندويشة جبن وعصير سن توب.

طيب ابيك تحسبها لي انا ابمشي صحرا من السعوديه لين مايوقف الزفلت يعني يصير مافيه مجال اني اجيك الا بطياره احسبها من هنا.
من ناحية الجيه من المطار لاتنسى تكتب اسمي على ورقه وتاقف عند الباب لاني ماعرفك اخاف اروح مع واحد ثاني ثم يخطفني.

[نبض الوطن]

لاابجي ان شاء الله الله لايعوق بشر لكن هالحين الخطوط السعوديه تقدم مفاطيح يومها تاخذ الفين؟؟ اللي انا خابره انها تقدم سندويشة جبن وعصير سن توب.

طيب ابيك تحسبها لي انا ابمشي صحرا من السعوديه لين مايوقف الزفلت يعني يصير مافيه مجال اني اجيك الا بطياره احسبها من هنا.
من ناحية الجيه من المطار لاتنسى تكتب اسمي على ورقه وتاقف عند الباب لاني ماعرفك اخاف اروح مع واحد ثاني ثم يخطفني.

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه


الله يرج ابليسك يا تميم , اكتب اسمك على ورقة واوقف بها كننا هنود , يا رجال والله لو انت في مطار الرياض عرفتك , بين ناس كلهم مثل دمك , فما بالك لو تكون وسط امريكان , اكيد بطلعك بسهولة , هم حمرتهم مع البياض مع الشعور الشقر , وانت يا تميم حامستك شمس الرياض لين صاير لونك برنزي

ههههههههههههههههههههههههههههههههههه ههههههههه




بالنسبة للخطوط السعودية فالحق ينقال انها افضل خطوط ركبتها في حياتي (بدون مبالغة)

وخصوصًا في درجة الافق (درجة رجال الاعمال) والدرجة الاولى , بس مشكلتهم اسعارهم غالية


هنا طيارات ابوكلب , والضيافة اذا كثروا عطوك شبس بنكهة الخنزير مع الكاري وكوكاكولا


,,,,,,

[تميم نجد]

انت تمدح الخطوط السعوديه لان ماعندك الا هي واصلا انت ماتدفع من جيبك علشان تحس بالفرق تذاكرك مثل ماقلت على الحكومه.
وبعدين تراك غثيتنا كن ماقد ركب في درجة الافق الا انت.تراها معروفه ولا تفرق عن درجتنا السياحيه الا انهم مايربطون الاحزمه الا بعدنا.
من ناحية الورقه خلاص لاتكتبها وتفشل نفسك انا بكتب ورقه وارفعها اذا جيت طالع بس تشوف لي تراي لابس زبيريات وثوب بكبك ولابس عقال عراقي.

[نبض الوطن]

انت تمدح الخطوط السعوديه لان ماعندك الا هي واصلا انت ماتدفع من جيبك علشان تحس بالفرق تذاكرك مثل ماقلت على الحكومه.
وبعدين تراك غثيتنا كن ماقد ركب في درجة الافق الا انت.تراها معروفه ولا تفرق عن درجتنا السياحيه الا انهم مايربطون الاحزمه الا بعدنا.
من ناحية الورقه خلاص لاتكتبها وتفشل نفسك انا بكتب ورقه وارفعها اذا جيت طالع بس تشوف لي تراي لابس زبيريات وثوب بكبك ولابس عقال عراقي.


الحكومة الله يعزها صرفتلي تذاكر سياحية ودفعة الفرق من جيبي حوالي 2100 ريال , وبالنسبة للفرق ففي السياحي يجونلك المضيفين رجال والا حريم شينات يا رب الحمد و يعطونك على قولك سندويتشة بجبن وربع كاس مويه , اما حنا في الافق فيجينا بنات لبنانيات وسوريات كل وحدة تقول الزود عندي ويعطونك منيو تختار المقبلات وبعد ما تخلص تجي تقولك (شو بدك توكل إذا بتريد؟) وانت وقتها بتسألها وش عندكم وبعدين بتقولك الوجبات الرئيسية عندهم وانتبه تطلب مثلوثة ترا ما عندهم !!

وبعد الوجبة الرئيسية تختار الحلا , وانتبه تطلب حنيني , ترا برضه ما عندهم


,

طبعًا هذي وجبة العشا , وبعدها تجيك تعطيك غطا , وهدية الخطوط , ويطفون الانوار وتنام , واذا ما حبيت تنام , عندك مجموعة أفلام عربية وغربية , (بس حط الهيدفون على اذنك لا تفشلنا وتزعج الخليقه !!)

وعندك قنوات سمعية وقرآن وأغاني ورسوم متحركة (أعرفك تحبها)


وبعد كم ساعه تجيك تقلك شو بدك تفطر , (قلها امليت , مو تروح تقول بيض مطجن !)

,,,

وفي الافق الكراسي كبار ومتحركة من تحت رجولك اذا تبغى تمدد , وووو الخ


,,,,,,,,,,,,,



لاحظ هذي الرحلة بس الين نيويورك , لمشكلة بعد ما تنزل المطار وتروح تكمل الرحلة من مطار ثاني وتدور للبوابات و على بال ما يفتشون على عفشك ويطلعون الريحان وعطور حبشوش اللي معك , يعني مشوار

تميم ذبحتني بالكتابة , ما ودك تبطل تجي , وتقعد تعيد بالعقال العراقي عندك أصرف

[تميم نجد]

والله انك اغريتني كمل كمل..

الظاهر مانيب جايك بقعد في الطياره كان فيها هاللي تقول اذا كل هذا في الافق اجل الدرجه الاولي وشفيها،الله يستر.

انا مابي لاغدا ولا عشى اليوم اللي بجيك فيه بصوم اهم شي يخصمونه من قيمة التذكره.
وبعدين تعال مهيب مسه وحده لين عندك؟؟ اذا بنوقف في مطارات ثانيه عز الله رحت فيها اخوك في الرياض يضيع عاد مهوب في امريكا.
صراحه السفره باين مشوارها طويل لكن بشوف واحد من الشباب مهوب بعيد عني غديه يخاويني لمك وبعلمك باسمه بعدين علشان تكتبه في الورقه معي.

[نبض الوطن]

انا قاعد احاول اصرفك من اول والحين تقول بتجيب واحد ثاني معك بعد !!

[تميم نجد]

خلاص اخوي نبض شكلك تبي الفكه كأن مافي امريكا سعودي الا انت.
لقينا واحد ثاني يعرفه صديقي بنروح لمه وبيدفع التذاكر والاقامه عنا وانت خلك على الامليت حقك يابو امليت.

[نبض الوطن]

ههههههههههههههههههههههههههههههههههههههههه


الله يعينه عليكم , هذي اكبر غلطة بيرتكبها في حياته , وبيجلس يندم عليها طول عمره



,,,,,

تميم بما انكم جايين عند خويكم هذاك جبلي معاك كرتون تمر سكري , وبن وهيل وعويدي للقهوة

وانا بجيكم اخذها من عندك اذا وصلت

[XPXPXP_4]

هلالالالالالالالالالالالالا والف غلالالالالالالالالالالالالا بنبض الوطن
الف حمد لله على سلامتك

وكل عام وانت بخير

[نبض الوطن]

هلالالالالالالالالالالالالا والف غلالالالالالالالالالالالالا بنبض الوطن
الف حمد لله على سلامتك

وكل عام وانت بخير


الله يسلمك يا إكس بي


وكل عام وانت بخير وصحة وعافية انشالله


ترحيبك هذا اقدره وأحترمه كثييير , يعطيك العافية