السلام عليكم ورحمة الله وبركاته

[مخرفه]

شوفوا يا هالوجيه الطيبه أنا ضاق صدري مانيب قادرة أحبس إللي بداخله وأدوشت العيال والبنات

فالبيت قالوا ياجده عسي الله ياجرك ويش رايك نعلمك الكمبيوتر وتفشين خلقك فيه وها الكمبيوتر ياجده تقولين

حراج بن قاسم يصير تقولين التحلية يصير تقولين الفور سيزن يصير دجه بيت ماله باب إن طردوك من هالمنتدي

حولي علي غيره والله ياالمنتديات كثر شعر بنتك حصه مانبي نقول كثر شعرك وأنت تدرين وأنت هالحين ماأحد

يواخذك تقولين إللي تبين وحتي إللي خبرك لوشافوك قالوا ياكافي وأنا والله عجبتني الفكرة وأنا أقول إللي

يعجبني إللي يعجبه خير واللي ما يعجبه يصك براصه الجدار وأنا مانيب متعرضة أحد لكن والله يابلشة اللي

يناشبني وأنتم ياهل المنتدي لاترفعون خشمكم علي تري ماكثر الله مثل مايقولون العيال والبنات ألله ماكثر

إلا هالمنتديات ويالله يخارجكم من لساني وتروني بايعته باللي تخبرون وعلمي وسلامتكم وإحتروني.

[منصور]

حياك الله وموضوعك بانقله للقسم المختص

[5 * * * * *]

وعليكم السلام ورحمة الله وبركاته

وحياك الله والدار دارك وبين اخوانك .

والله يعيننا على تخاريفك .

تحياتي.

[تميم نجد]

وعليكم السلام ورحمة الله وبركاته

حياك الله ياجدة الجميع بس اخاف ماتصملين لان كثيرين اول ماسجلوا في المنتدى قالوا مثل كلامك وبعد يومين راحوا وهي الروحه.

[بــــــــدويــه]

حياك الله و على قول ابو سلطان الله يعين على تخارفيك ههههه

[سيف الدين]

حللتي اهلا ووطأتي سهلا ياأخت المخرفه ( المهذريه )..ونتمنى أن نستفيد من كتاباتك وتخاريفك ..

ويامرحبا ترحيبة البدو بالسيل........وترحيبة العود العمى في عياله..

واعذريني على تأخر الترحيب لأن دخولي منتدى ( الصداقة والتعارف ) قليل جدا ..

تحياتي لك وللجميع

[سطام بن فهيد]

هلا وغلا فيك يامهذريه

تو المنتدى نور بوجودك ياااامديرة شركة دجو السياحيه


وان شاء الله تفيدين وتستفدين


تحياتي