هلــــوســــــــــة [الأرشيف] - - - --^[ (الحوار الوطني) ]^-- -

مشاهدة النسخة كاملة : هلــــوســــــــــة

البدوي الملثم

08-Nov-2003, 06:11 AM

يازمن وش بلا أيامك غريبة ..
في الزمان وفي المكان وفي الاماني
يازمن وش بلا ناسك صعيبة ..
غررتهم الاوهام ودبوا في تباري
يازمن وش بلا الاخوان لمتهم صعيبة
نسيوا الخلان وأوصاف الأهالي ..
يازمن وش بلا الوافي يعدونه مصيبة
وأن تكلم الصادق حليله ..
لايقوم ولايواصل قل حيله
يازمن صبرك شويه ما حسبوا حسابك ..
يازمن وين الهوية كلهم ركبوا ركابك
يازمن وين رايح بالقوافل وين رايح ..
كلما مخلوق ولى بين جاي وبين رايح
يازمن أخبرك عادل ودوم رايق ..
يازمن نبغي تفوق مثلما كنت فايق
وش بلي خلي يصلي لكن المعروف منه عايب
ماتوجه صوب ربي رافع البلوى مخفف المصايب
وين يودي وجه من إلهه لاسجد وين ساير
إتعض ياخل وأحسب الجرة وماتتلى العباير
ياحليل من قلبه مثل قاع القدر مطلي سوادي
وياحليل من همه فلان وما يفكر بالركادي
زارع الريحان زرعك بات ضامي
والسماء محجوبة بالسحب وبالركامي
صاحب المليون كم تسوى بلاوي
لاهجدك في حزة منامي ..
لاتقول ماعلىّ ما أنا ضني لحالي
وش يساوي المليون مع ظلم وتعالي
مايساوي غير تفله من مطوع لك يداوي
لاتغرك الدنيا ولا هذا الزماني ..
ولاتقل بعدين من عن أخواني رماني
يمكن تفكر وتعقل ثم تزفر آه من هذا الزماني
آه من هذا الزماني ..
وين ربعي وين جاري وين خالي
وش بلاني من خدعني وش دهاني

ابو ثامر

09-Nov-2003, 08:55 PM

الزمن وان عاسرك لا تشتكيله...خل شكواكم لرب المودماني

شكراً حبيبنا والله يعطيك العافية.

مجاهد ويب

11-Nov-2003, 05:06 AM

والزمن يوم مر ويوم ش حليلة000والرفاقة متـقـلبـيـن مثل الزمانِ

تحياتـــــــــــــــي بدوينـــــــــــــــــــــا الملثم،،،،،،،،،،،

البدوي الملثم

11-Nov-2003, 08:13 AM

شكرا ابا ثامر وفعلا الشكوى لغير الله مذلة
لكن أليست هلوسة وكفى

البدوي الملثم

11-Nov-2003, 08:14 AM

اشكرك اخي مجاهد

نـــجـــم

12-Nov-2003, 02:48 AM

الغالي البدوي الملثم

صح لسانك وبنانك يالغالي

رائعه من قلم اروع لم نتعود منه الا كل مفيد

ايه بالله قلهم وين الهويه

يازمن صبرك شويه ما حسبوا حسابك ..
يازمن وين الهوية كلهم ركبوا ركابك
يازمن وين رايح بالقوافل وين رايح ..
كلما مخلوق ولى بين جاي وبين رايح