متى وكيف أتزوج ؟

[ربع ساعة]

.

تأخرت على الزواج ..

وعندي قرض دخلت به الأسهم من فترة قصيرة وكسبت خمسة الالف ..

لاحظوا انه قرض .. يعني ياخذون من راتبي 1000 ريال ..


نقول اني اخذت الاموال من المحفظة والغيتها

المهر نقول 40000

الذهب نفترض بالقليل 6000

لازم استأجر لان بيتنا ما يكفي يعني بالقليل 15000

نقول اني بس بحط بالشقة مكيفات علشان الحر وننوم انا وياها على البلاط عادي ..

طبعاً لازم افرح وافرح اصحابي واهلي واسوي عرس في اوسخ استراحة مع العشاء

نقول 15000

ونقول مصروفات نثرية ومفاجأه 10000

راتبي يبقى منه مع الديون القليل ( الحمدلله على كل حال )


متى اتزوج ؟


رجاء خاص لحد يقول لي تزوج وربك يسهلها ..

شلون بيسهلها .. هل بيكتب لي شيك بأربعين الف ..


آآسف جداً لاني كتبت الموضوع وانا محبط ..


ملك العزوبية ( ربع ساعة )

[تميم نجد]

اولا ياخي فيه اسر مايهمهم المهر بقدر مايهميهم الستر.
وثانيا الاستراحات انت مبالغ في القيمه ياخي افضل استراحه اذا كثرت 2000 ريال وبعدين وش المصروفات النثريه والمفاجآت انت داخل مسابقة والا عرس كلها خروفين وكيس رز ابو كاس علشان معه هذيه فرن يعني افتكيت من شراء فرن.
يابو سعد انت اصلا من كلامك ماعندك استعداد انك تسمع احد ،فكر بعقل وتوكل على الله وبييسرها ربك بس انت اصمل لاتصير متردد.

[منصور]

شوف يا ربع خلني اطلع لك تاشيرة زواج من الخارج ارخص لك واحسن لك وش رايك ؟؟؟


خخخخخخخخخخخخخخخخخخخخ


تحياتي

[ربع ساعة]

اولا ياخي فيه اسر مايهمهم المهر بقدر مايهميهم الستر.
وثانيا الاستراحات انت مبالغ في القيمه ياخي افضل استراحه اذا كثرت 2000 ريال وبعدين وش المصروفات النثريه والمفاجآت انت داخل مسابقة والا عرس كلها خروفين وكيس رز ابو كاس علشان معه هذيه فرن يعني افتكيت من شراء فرن.
يابو سعد انت اصلا من كلامك ماعندك استعداد انك تسمع احد ،فكر بعقل وتوكل على الله وبييسرها ربك بس انت اصمل لاتصير متردد.

ثلاث اللاف تكفيني معيشة بعد الزواج ؟؟؟

[ربع ساعة]

شوف يا ربع خلني اطلع لك تاشيرة زواج من الخارج ارخص لك واحسن لك وش رايك ؟؟؟


خخخخخخخخخخخخخخخخخخخخ


تحياتي

نفسي بسعودية

مابي الا هي

ان ما تزوجت سعودية عمري ماتزوجت

ابيها قروية

ابيها بدوية

ابيها من ديرتي

وش فايدة الزواج اذا ما خذت سعودية

عسى الله يوفقني ادع لي تكفى

[منصور]

الله يوفقك دووووووووم يا ربع

اذا انت جاد بالموضوع

ترى دار رعاية الايتام بجميع مناطق المملكة بامكانك تتزوج وحدة منهم وتختارها بنفسك وصدر قرار جديد بمنح الي بتتزوج مبلغ 30000 ريال انا قريت عنها بالجريدة من قبل فترة

شد حيلك وخلنى انا وتميم شهود على الزواج

تحياتي

[تميم نجد]

ثلاث اللاف تكفيني معيشة بعد الزواج ؟؟؟

يابو سعد الله يهديك بس 3 الاف خير ونعمه فيه ناس عايشه على 1500 وصدقني لو راتبك 10000 الاف بتقول مايكفيني لانك ماتبي تعرس بس تدور الاعذار.
ياخي فيه بنات مدرسات وطبيبات وغيره يدورون الستر وفيه مشائخ ماقصروا يدورون اللي يبي يتزوج بس يكون جاد في الزواج وتكوين الاسره وصدقني يساعدونه من ناحية المهر والحفل وحتي تجهيز بيته. يعني مافيه عذر

[ربع ساعة]

الله يوفقك دووووووووم يا ربع

اذا انت جاد بالموضوع

ترى دار رعاية الايتام بجميع مناطق المملكة بامكانك تتزوج وحدة منهم وتختارها بنفسك وصدر قرار جديد بمنح الي بتتزوج مبلغ 30000 ريال انا قريت عنها بالجريدة من قبل فترة

شد حيلك وخلنى انا وتميم شهود على الزواج

تحياتي


قريت عنهم في جريدة الوطن

ولكني صدمت بمشكلتين ..

الأولى : نفس دار رعاية الأيتام شروطهم صعبة جدا وغير ميسرة وذلك لان زميلي اخذ منهم من فترة

هو استطاع لانه يتيم مثلهم ..


شروطهم تعجيزية .. لكن الشروط المالية ميسرة


المشكلة الثانية :

هم اهلي , يوم اخبرتهم بالسالفة زعلت علي امي وقالت ليه احنا نبي لك الخير وقامت تقول لي كلام طويل عريض

وش اسوي امي كذا ماقدر اقول لها لا ... لانها امي

لان الله سبحانه وتعالى نهانا عن قول اف .. هذا للامهات العادية

فما بالك مثل ام فهد .. اقول لها لا ؟؟

جعل لساني ينقطع قبل ما اعصي لها امر


هذي بكل اختصار مشكلتي مع ما ذكرت يا لغالي

[منصور]

اقول ربع انت كم عمرك

[ربع ساعة]

اقول ربع انت كم عمرك

تعال مسنجر واقول لك عمري

واوريك صورتي

لو تبي جبت ابوي وشغلت الكميرة


<< يتكلم جد

[وئام]

هههههههههههههههههههههههه
يأخوي الله أن شاء الله بيسهلة قلنا أو ما قلنا
بس يأخوي أنا اللي أعرفه وشيفته عندنا هنا بالديرة أن اللي يدفع مهر أربعين ألف أو خمسين ألف يكون الذهب في المهر يعني محسوب ما يدفع هو
والدليل كثير بنات ومنهم صديقاتي وبعض قريباتي كذا اربعين وخمسين ألف والذهب فيها
يعني ما يبقاء عليك الشقة ، والسعودية الحين قل المهر ما شوفهم يطلبون مثل قبل
أنت خطب وشوف شروطهم وبعدين فكر توكل على الله والله كريم

[ربع ساعة]

هههههههههههههههههههههههه
يأخوي الله أن شاء الله بيسهلة قلنا أو ما قلنا
بس يأخوي أنا اللي أعرفه وشيفته عندنا هنا بالديرة أن اللي يدفع مهر أربعين ألف أو خمسين ألف يكون الذهب في المهر يعني محسوب ما يدفع هو
والدليل كثير بنات ومنهم صديقاتي وبعض قريباتي كذا اربعين وخمسين ألف والذهب فيها
يعني ما يبقاء عليك الشقة ، والسعودية الحين قل المهر ما شوفهم يطلبون مثل قبل
أنت خطب وشوف شروطهم وبعدين فكر توكل على الله والله كريم

الموضوع يبقى في الذاكرة ... وان شاء الله بإذن الله ( دعواتكم )

اني احطه تذكار في موضوعي اللي بيكون عبارة عن دعوة لحضور الزواج ..

[منصور]

انا الحين مبتلش فيك تروح تجيب لي ابوك الله يطول عمرك وياه
ههههههههههههههههههههههههههههه

[المحرومه]

ربع ساعه والله حرام اللي يصير لك


أنا قررت اني اطلع من دراستي واروح أشتغل وراتبي بسدد فيه ديونك يارب...

<<<<<<<<< حزينه عليه لانه واللله ما يستاهل

بس قدر الله وما شاء فعل...

[ربع ساعة]

ربع ساعه والله حرام اللي يصير لك


أنا قررت اني اطلع من دراستي واروح أشتغل وراتبي بسدد فيه ديونك يارب...

<<<<<<<<< حزينه عليه لانه واللله ما يستاهل

بس قدر الله وما شاء فعل...


الله يسلمك .. هذا من طيبك والله

الله يعين

[بــــــــدويــه]

أخوي ربع ساعة مع احترامي الشديد لك ما اوفقك الرأي ابد

أخوي متزوج له ثلاث سنين و لا له بدل سكن و لا علاج فقط بدل مواصلات و راتبه 2200 ريال و الله اعلم كم كلفه الملكة و العرس و الذهب وو

و عايش احسن عيشة هو و زوجته و راضي بنصيبه و ربي موفقهم

اعقد النية و ربي ما بيضيع عباده

موفق ان شا ءالله

تحياتي لك

[قـ الاسدلب]

وشتبي يعني نسويلك قطيه عشان تعرس

ياخوي فسر عن ذرعانك وقلبها اللي اعرسو

ماهم احسن منك. بعدين كل يوم اسهم اسهم

انا خسرت انا مديون .

اللي يبي الدح مايقول اح



ههههههههههههههههههههههههههههههههه

[بنت غامد]

ربع ساعة
معليش توي أقرأ موضوعك
صحيح حز في نفسي كثير .. وحسيت انك مقهووووووووور لما كتبت الموضوع

لكن ياربع والله ثلاثة آلاف تكفي مصاريف ومين قال انها ماتكفي ؟

كثير ناس أعرفهم عايشين على أقل بكثير من هالمصروف !!

ربع توكل على الله وبادر بجدية في الزواج .. ولا يهمك .. الله يوفقك ويسعدك بحياتك
ولا تنسى تعزمنا .. نبي نفرح فيك والله

ربع حنا أخوانك وأخواتك في الخدمة .. ولا تستحي منا .. لو تبي شي قول ولا تتردد

الله معك

أختك بنت غامد

[ربع ساعة]

أخوي ربع ساعة مع احترامي الشديد لك ما اوفقك الرأي ابد

أخوي متزوج له ثلاث سنين و لا له بدل سكن و لا علاج فقط بدل مواصلات و راتبه 2200 ريال و الله اعلم كم كلفه الملكة و العرس و الذهب وو

و عايش احسن عيشة هو و زوجته و راضي بنصيبه و ربي موفقهم

اعقد النية و ربي ما بيضيع عباده

موفق ان شا ءالله

تحياتي لك

تسلمين يا بدوية

من جد رفعتي معنوياتي